पावसाची वेळ

पावसाची वेळ झाली
ती आता धावत येईल
भिजुन मग वेड्यासारखी
छत्री म्हणुन जवळ घेईल

काळजातले सुर मग
विणे सारखे वाजतील
कपाळवर ओठ माझे
विटे सारखे टेकतील

मी मग होऊन विठू
क्षणभर उभा राहीन
भिजू नकोस असं म्हणुन
करकचून मीठी घेईन

बघणार झाड़
ही उगाच त्याला दोष देईल
झाड़ही मग बिचारं
जाणून बुजुन आंधळ होईल

पुन्हा उद्या भेटण्यासाठी
हात कमरेवरुन खाली येईल
संध्याकाळ मोर होऊन
पंखही फुलवून घेईल
-मी पाऊस।