राजतिलक ची नजर

तसे मी करीत नाही काहीच...

तसे मी काहीच करत नाही
हींडण्या शिवाय
मी फ़क्त करत बसतो दीर्घ कविता
हींडता हींडता....काढून वेळ
नुसत्या भानगडी करीत बसतो
हींडता हींडता ... काढून वेळ

तसे मी करत नाही काहीच पोटा साठी
फ़क्त ऑफिसात बडवत बसतो की बोर्ड
पुन्हा तेच हींडणे
हींडता हींडता... काढून वेळ
मग करतो एक कविता
तसे बघायला गेलात तर मी काही करतच नाही
बोसिंग करता येत नाही
की देता येत नाही मेमो
मुळात माझ्या स्वभावात
असे काही बसत नाही
बाकि मी तसे काहीच करत नाही
नको तिथे नाक खुपसून
कपाळी काढतो घाम ...काहींच्या
आणि आपला असतो असाच हींडत...देशावर...
तसे मी काही करतो असे म्हणताच येणार नाही
.......
हो मी आठवनिने करीत असतो
हिंडन्याचे काम
न चुकता

रौंग नंबर

कोणी एक बापडा

ज्याला नम्बराच गणित कळलं नसेल

त्याच्या डायरीतून तुमचा नंबर

असलेलं पान गळलं नसेल

तो बिचारा तोच नंबर

लावत असतो बूथवरुन

तुमचा मात्र जिव उगाच

जात असतो गुदमरून

एकदा लागला चुकून नंबर

कोमल आवाज मुलीचा

कोण शहाणा खोडून टाकेल?

असा नंबर चुकीचा

मुद्दाम रौंग डायल करून करून

दर खेपेस सॉरी म्हणतो

तुमचा हेलो....त्यांचा हेल्लो

उगाच वाटतो ओळखीचा

रौंग नंबर लावून लावून

काही जूळवू पाहतात नाती

एसेमेस पाठवून उगाच मग

मागू पाहतात माफ़ी

.....

एकदा केला रिप्लाय तुम्ही

त्याचाही मग रिप्लाय येतो

रिप्लाय रिप्लाय मधूनच मग

मैत्रीचा सेतू होतो

टाळला तुम्ही रिप्लाय तर

तुमच्यासाठी बरं असतं

नाहीतर पुढे संकट येतं ते

आईशपथ खरं असतं

एकदा माफ़, दोनदा माफ़

तीसऱ्या वेळी धमकिच द्या

सनसनित एक शिवी

रिसीवर मधून थेट त्याच्या

कानावरच बसू द्या

....

तुमचा एक निर्णय तुम्हाला

मोठ्या कटकटीतून वाचवू शकतो

शिवी शिवाय खरच सांगतो

रौंग नंबरवर

'रामबाण' उपाय नसतो

- मी पाऊस।

एक कविता पावसाची

COMING SOON